Congreso di Salud Mental y Inteligencia Emocional
mente
Sano
bida feliz
Un encuentro pa restaura bo
curpa, mente y spirito
Organisa pa institucionnan comprometi cu e bienestar integral: Nedley Health, ADRA Aruba y Fundacionnan di Salud Mental na Aruba.
E Congreso di Mente Sano, Bida Feliz ta un experiencia transformador cu lo combina ciencia di salud mental cu principionan di fe cristian. Durante dos dia, lo bo haya hermentnan practico pa vence ansiedad, depresion y fortalece bo inteligencia emocional, tur esaki presenta pa expertonan local y internacional.
Conoce nos
orador principal
Dr. Neil Nedley
Fundador y Director Medico di e Programanan di Recuperacion di Depresion y Ansiedad na Nedley Health. Cu mas di 25 aña di experiencia, Dr. Nedley a yuda miles di persona haya bek speransa y ekilibrio emocional
Biba dos dia di renobacion
mental, spiritual y emocional
E Congreso Mente Sano, Bida Feliz ta mas cu un evento: e ta un experiencia di transformacion caminda fe y ciencia ta haya otro pa yuda bo comprende, sana y fortalece bo mente. Participa hunto cu nos durante dos dia di conocimiento, speransa y reflexion.
21-22 November 2025
Holiday Inn Hotel
Entrada ta Gratis (Mester registra previamente)
Organiza y Apoya pa:
Bo tin algun duda?
Laga nos yuda bo.
Den ki idioma e evento lo ta?
E evento lo ta principalmente na Papiamento. Sin embargo, algun presentacion lo ta na Ingles pero lo conta cu traduccion for di e plataforma principal.
Mi por asisti solamente un dia di e Congreso of mi mester bai tur dos dia?
Bo por asisti e dia cu bo por. Sin embargo, pa por haya e hermentnan completo pa biba feliz cu un mente sano, e ta recomenda altamente, pa bo separa e dos dianan aki pa ta presente durante henter e evento.
Lo tin parkeo gratuito na Holiday Inn Hotel?
Si, cu bo prueba di registracion cu bo lo haya via email. Bo lo wordo duna acceso gratuito na e parkeo di Holiday Inn Hotel.
Lo tin oportunidad pa hasi pregunta of consulta personal cu Dr. Nedley y/of e expertonan local?
Pa motibo di limitacion di tempo Dr. Nedley lo no por atende casonan individual. Sin embargo, durante e evento, lo tin varios sesionnan di pregunta y contesta, un panel cu e expertonan caminda lo por hasi pregunta anonimo y directamente na e expertonan.
Hobennan por asisti of e ta solamente pa adulto?
Tur persona por asisti. E evento no ta solamente pa adulto.
Kico lo hasi cu mi informacion di registracion?
E formulario di registracion ta pa principalmente sa na ken y cuanto persona nos lo ta sirbiendo durante e evento. Ademas, e ta pa por sigui brinda apoyo y asistencia den futuro cu eventonan similar.
Con mi por registra si mi tin dificultad cu e formulario di registracion riba e website?
Bo por tuma contacto libremente durante horario di oficina, cu e oficina di ADRA Aruba na e number: 584-0777 of bishita nos na Pos Chiquito 47-A pa registra.
E congreso tin un enfoke religioso of e ta habri pa personanan cu no ta parti di un Iglesia?
E evento ta organisa den colaboracion cu e ministerio di Salud di Iglesia Adventista di Shete Dia na Aruba sin embargo, e ta habri pa tur hende sin distincion religioso.